【台灣口罩 · 長文慎入】

今日又收到身邊有朋友話之前訂左嘅台灣口罩,依家話因為台灣政府加大徵收額,所以又話出唔到貨黎香港,所以要取消訂單…咁又令我地諗起之前打左,但無出到嘅一篇文…
上年年尾疫情開始時,有唔少商人係連機器都未到手嘅情況下,就開始做預售口罩。之後網上就陸續有唔少苦主group。但香港仔就堅持用一個蠢方法,等到有口罩機,有晒原材料,生產到口罩喇,都仲要將d口罩送去做檢測,即係要再等多幾個星期,確保合乎規格,先正式賣出街。呢個方法,的確令香港仔口罩慢過好多口罩廠,同時少左好多有收入嘅機會…但同時令支持我地嘅朋友,唔會有收唔到貨或遲收貨嘅問題。
有follow我地嘅朋友,都知香港仔口罩係台灣有分公司,我地同唔少台灣嘅口罩廠同原材料供應商都有來往,所以先做到有穩定嘅台灣製口罩原材料供應。同時,因為我地有同台灣嘅口罩國家隊廠商合作,先會有 香港仔監製·台灣製 嘅口罩賣。最近,我地知道有啲朋友,訂左其他香港公司引入嘅台灣期貨口罩,但又遲遲未收到貨...

其實,我地係台灣政府宣佈放寬口罩出口前,我地已經同台灣口罩廠傾好左,所以香港仔口罩算係較早拎到台灣製口罩嘅外國公司。現時,台灣政府仲係未完全開放口罩出口嘅,即係其實每一間台灣嘅口罩廠,都仲要將一定生產量,交俾台灣政府以維持台灣內部既口罩需求。所以其實好多台灣嘅口罩廠嘅交貨期,係唔確定嘅。而香港仔,又係再一次做蠢事,先拎左d錢出黎買貨,而唔係先預售,拎住客人嘅錢,然後去等一個唔確定嘅交貨期,亦因為咁,我地嘅成本亦俾人地高...
講到尾,做預售本身無問題,問題係點樣堅守,係承諾時間內,交到貨去俾左錢嘅客人手上。如果連生產嘅人,都唔知會遇到咩問題,或者係一味相信其他廠俾嘅承諾,咁就好易出事… 呢個就係我地點解一直都堅持只賣現貨嘅原因!
講左咁耐,我地要話俾大家知,我地仲有嘅台灣製口罩嘅現貨,並會於長沙灣廠房,正式發售,上我地官網買又得,去支持分銷點又得~希望追求優質口罩嘅朋友,繼續支持!
長沙灣廠房銷售部
營業時間:星期一至六,2 - 7pm
地址:香港九龍長沙灣長順街18號華盛工業大廈3樓B室
(荔枝角鐵路站,D2 Place Two對面) 勁方便!
【香港仔 台灣製 口罩】
好多人都想知多啲,係 Pop Up Store 賣既台灣口罩
之前都講過,我地係台灣已經成立左公司,除左我地香港仔其中一位創辦人,一直都長駐台灣,亦有固定員工
所以,我地除左一直係台灣採購緊口罩原材料外,仲有採購台灣製嘅口罩成品。我地係好早期,已經同台灣國家隊成員之一既 #易廷企業 ,簽訂左口罩採購合約,等待口罩出口解封,就可以將高質口罩送到香港!
係香港依然飽受疫情折磨既時候,好多台灣既廠商一聽到我地係香港嘅口罩廠,都好熱心幫忙,就算自己出唔到貨俾我地,都會介紹另一間廠商俾我地。
就係咁,我地就算係香港公司當中,成為較早能夠售賣台灣製, #歐盟驗證防護最高級別 #EN14683Type2R 口罩,並由社福機構負責包裝,準備係現時疫情下,為大家補給防疫用品!
當我地決定引入呢批台灣口罩後,我地就係度諗,點樣可以係僅餘嘅生產流程上,幫助更多香港人。經過香港仔嘅員工穿針引線後,我地決定將包裝入盒嘅工序,委託社福機構,一同完成
雖然要將d貨運黎運去,但如果可以將一部份錢留係香港,幫助到較容易被忽略嘅一群,我相信,支持我地香港仔嘅朋友,一定會同意我地再次作出任性嘅決定
今次幫我地進行口罩包裝嘅機構,係聖雅各福群會嘅忻悅綜合職業服務中心
佢地會為殘疾/康復人士提供輔助就業服務,協助他們發展工作潛能、開拓就業機會,以使他們融入社會
香港仔尋日上去參觀過,見到佢地仲有食物生產、包裝工場、環保紙生產、紡織,同印刷工場,十分多元化。如果大家有咩工作,覺得可能可以同佢地合作,就請多多支持
最後,希望今個星期嚟購買香港仔口罩嘅朋友,亦可以多多照顧身邊嘅香港人,一齊打贏呢場杖
Keep Calm and Carry On

較舊的貼文


發表留言

請注意,留言須先通過審核才會發佈